زٍوٍجً‘ـٌٍـٌٍآًٍإْت يآًٍإْئـٌٍـٌٍـٌٍسـٌٍـٌٍـٌٍآًٍإْت !!

بسم الله الرحمن الرحيم

كيف العنوان بس ؟

صبحكم الله بالخير اهل المنتدى ، وشلونكم يا جعلي ما افقدكم ؟
وكل عام وانتم بخير ولو انها متأخرة شوي

هو في الحقيقه بعد غياب ليس بقصير عن ايقونة اضافة موضوع جديد في القسم العام .. جئت اليكم بالجديد .. بعد العيد

وبمناسبة عيد الفطر المبارك والاستايل الجديد للمنتدى والحمدلله ، تم اضافة هذا الموضوع <~ ما بقى الا تهدي الموضوع للملك والشعب السعودي الجميل

نجي للجد الحين
الازرق = تمساح
الوردي = سحليه

.............//

الوو هلا حبيبتي وشلونك .. هلا والله الحمدلله .. وشفيه صوتك كذا كنك تعبانه ؟ .. ابد والله بس مصدعه شوي وما سويت غدا .. يا بعد قلبي انتي عشان كذا ؟ ولا يصير خاطرك الا طيب وانا راجع من الدوام اجيب معي غدا بس انتي امري من وين تبين ؟ .. مايامر عليك عدو يالغالي ، اللي تبيه ، كل شي منك خير وبركه .. الا وشرايك اجي واخذك ونطلع نتغدى برا نغير جو شوي .. يكون احسن بعد

********

يا هيييييييييييه وينك يا التفخه .. انا هناا خييييير وشفيك تنافخ ؟ .. وش سويتي غدا اليوم ؟؟ .. رز ولحم وسلطه وايدام .. هذا اللي قدرتي عليه كل يوم نفس الطبخه ؟ انا بروح انام ولا تقوميني وضفي بزرانك عندك ولا ابي اسمع حسهم .. بس اسمع قبل لا تنام ترا اليوم بتوديني السوق وابي اروح المستشفى عشان موعد تطعيم العيال وبعدين بتوديني عند اهلي .. اي هين اقول ما ودك تطسين ترا كاثره بربرتك واياني اياك تقوميني والله لاكسر التلفزيون على راسك .. يماااي خوفتني مره اييه ابقومك وابثرك بعد

*********

اممم .. حبيبي ودي اقولك شي .. سمي يا قلبي .. اخبر انك قلتلي شهر ثمانيه من هالسنه بخلص فيها كل ديوني عساك خلصتها ؟ .. لا حياتي على نهاية هالشهر او الشهر الجاي تتيسر اموري لانهم اخرو الرواتب .. ليه خاطرك بشي ؟ .. لا لا ابد مابي شي .. لا حبيبتي قولي وش تبين عيوني لك وروحي لك وكل اللي تبينه .. شف حبيبي لازانت امورك وخلصت الديون وصارت ميزانيتك حلوه بعدها انشالله ربي يفرجها .. على راحتك حبيبتي

*********

اسسسمع ترا لي كم شهر وانا صابره على ذا الحال ماصارت ابي اطلع اشتري فستان لعرس بنت خالي لا تقول مامعي فلوس ؟ .. ايييه مامعي فلوس الراتب راح بأجار البيت ، وفاتورة جوال، وفاتورة كهربا ، واقساط السياره ومصاريف البيت اللي ما تخلص .. وشلون يعني بروح العرس بفستاني القديم لا مابي كلهم شافوه وبعدين خلاص راحت موضته مالي دخل ابشتري يعني ابشتري .. من وين تبيني اجيب لك فلوس ؟؟ اسرق يعني ؟ .. تسرق ولا تستلف دبر عمرك ولا ترا بكره مافي غدا ولانيب غاسله ملابسك .. ترفقي بسسس ، والله لا أحفر حروف اسمك على ظهرك [ندعوك للتسجيل في المنتدى أو التعريف بنفسك لمعاينة هذا الرابط]

**********

حبيبتي مضطر اقولك شي بس ماودي يضيق صدرك .. ليه بسم الله عليك وشفيك ؟ .. والله السفره اللي وعدتك فيها ما ظن هالسنه .. الاجازه كنسلوها من العمل والشي الثاني راجعت ميزانيتي للسفره ولقيتها ما تكفي ... يا خلف طوايفي انت .. ماهمتني السفرة .. روعتني احسب فيك شي .. يا لبى قلبك ياحياتي والله اني قايل انك ذيبه وبتعذرين ابو عيالك .. لكن اسمعي السنه الجايه بحول الله ان بغيتي لهاواي والا المالديف وخالقك وخالقي ما تغلى عليك لو احرّج على ملابسي كلها

*********

ياهوووووووووو على وين رايح انشالله ؟؟ اشوفك ما عاد جبت طاري لسفرتنا ؟؟ .. سفره ولا وزره هاهاااااا .. وتنكت بعد .. بس ياعادل امام ، يا خفة دمك بس .. لا صدق اي سفره ما اذكر .. يوووووه وبعدين معاك تراك دبلت كبدي .. خلاص خلااااص حجزتلك الله ياخذ عمرك .. وعلى وين حجزت انشالله ؟؟ .. حجزت لك انتي وعيالك على جده وانا بروح البحرين .. يللي ما تخاف ربك تروح للبحرين لا واييييش بلحالك ؟؟ رجلي على رجلك ولا تعتب ولا شبر الا وانا معك .. إي هين فارقي بس

طبعن شفتو الحالات اللي تعصب الواحد
والحالات اللي تنعش

وانا ( والعياذ بالله من كلمة انا ) طرف محايد فالموضوع

لكن السؤال اللي يمحط نفسه ، ليه احنا دفشين في المعامله وناخذ الامور بعصبيه ونكبر السالفه رغم انها في الغالب اتوقع انها اسباب تافهه وما تستاهل ولكن ...؟

وبينما في بعض الحالات ينتهي الامر بسهاله ( على قولة الصيرفي ) ومافيش مشاكل وكلو تمام التمام ..!

هل للتربيه دور في ذلك ؟
ولا المجتمع ؟
ولا نفسيّات وانا كلمتي تمشي عليك وبالقوه ؟؟
ولاالطبخه كلها مناخ مملكتنا الحبيبه عشان كذا ما تعودنا على الرومنسيه والدلع ؟؟

يلآ .. نبي وجهات نظركم بالموضوع ، انتشروووووو بسرعة رعاكم الله وتقابعو بس بشويش

مسآء // صبآح .. الـــخـــي ـــر ..
أشكرك أخوي { رمآد إنسان ..
موضوعك أهل للمناقشة ..
أنا أقول أنه كل شي له دور يعني التربية , المجتمع , النفسيات .. الواحد لما يكبرا خلااااص كأنه ايه يبا كلمته تمشي ع الكل وهذا غلط .. لكن يبقى فيه ناس متفهمين ومثقفين ..
تقبل مروري .. تحياتي ..

في البداية يكون للتربية من الاهل دور كبير بس لمن يكبر الواحد يصير كل واحد وطبعه..وكمان احيانا الحالة المادية لها دور في هالموضوع..بس لازم ناخذ الحياة يسهاااالة ههههههههه,, [ندعوك للتسجيل في المنتدى أو التعريف بنفسك لمعاينة هذه الصورة] يسلمو ع الموضوع