شاركي بكلمة أو تصميم بمناسبة اليوم الوطني..

السلام عليكم ورحمه الله وبركاته
كل عام ووطننا بخير وسعادة ..... عندي مشاركة أتمنى تعجبكم


كل عضوة تشارك بكلمه او عبارة اومشاااعر ..... الخ عن مملكتنا الحبيبة بمناسبة اليوم الوطني

.


.


اممم والله أنآ ما عندي عبآرة ولا تصميم < أجل ليه دآخلهـ

بس أحب أقولكم كيف احتفلنا باليوم الوطني ^^

قلنا < حريم العيلة طبعًا : خرجونا مكان لازم نحتفل ما يصير !
قالوا : أوك يلا اليوم < الربوع حننزل نشوي ونعمل جو
احنا : يلا مشينا

رحنا عاد أنا رموني آخر وحدة في السيارة
كل اللي جنبي أطفاااال بين التمهيدي و3 ابتدائي
وجلست أسمع حكاويهم .. ياربييي نو كومنت
فتحوا سيرة تخيلوا ايش بس > الزواج ! ههههههـ
بدأت دودي تكلمهم : تصدقوا مافي أحد متزوج في السيارة ! < طبعا نصها انتو الصلاة ع النبي
ساما : والله صح !
حسوني : إلااا < فجأة
أنا : !!!!
دودي : ميين ؟ < مفجوعة
حسوني : بابا ! < قول ق .. على قول سلطانه خخخخ
ساما : هو أبوك هنا احنا نتكلم ع اللي في السيارة
وبعدين مدري اش قالوا
رجع حسوني : حتى ماما متزوجة < لااااا بقووه الفيوز ضاربه هههههـ
وما قفلوا السيرة ماسابوا شي في الكون ما زوجوه < إلا أنا
سيمو : المطعم يتزوج بقالة <
حسوني : الشعر المرتب يتزوج شعر منكوش
أنا : !!!!! ما تنلامون جايبين الهبالة دي من قعدتكم على براعم وسبيس تون و الخ
المهم .. وصلنا بالسلامة
ولقينا ولد عمتي الصغير مستعد بالطراطيع
وكل شويا فجعنا بوحدة والحريم عاملين فيها دلع على كل وحدة صرخوا
قال انفجعوا يعني < كأني مو منهم خخخ
شويا دقت عليا صمتي رسالة و هرجنا لما قلنا بس
طبعا عشان رصيدي يخلص في حضرة جنابها
دقت تقولي ترا بكرة مخفض 50 % عشان اليوم الوطني
أنا : والله ! كوويس .. وحطيت لستة ناس بكلمهم
بعدين نصهم حذفتهم عشان ما يتريقوا يقولوا عشانو مخفض دقت هع

==

المهم قلتلهم ما يصير كدا لازم نعمل جو
أغنيلكم ؟؟
قالوا : لاااااااااااا
افتكرتك يا نواره ما يحسوا بمواهبنا المكبوتة اللي يطلعها الزكاام خخخخخ
انقهرت منهم قلتلهم : فوووق
كلهم طلوا فووق مالقوا شي طبعا رجعوا يطلوا فيا
قلتهلم : فووق هام السحب وان كنتي ثرى
قالوا : فووووق هام السحب < عاشوا الحلوين

==

بعدين قلتلهم جد ما يصير ماحد لبس شي أخضر
ولا عيالكم لازم لون أخضر في القعدة
قاموا طلعولي كاسات ورق بيضاء وعلبة سفن !!!


==

ولقيت بنت عمتي 6 ابتدائي شايلة ملف معاها
أنا : سلامات ميمي تو الناس ع المذاكرة
هي : شفتي كيف < هيا أساسا ايام المدرسة ما تذاكر
شويا طلعت المواهب اللي عندها طلعت تكتب شعر
قلتلها ما اقدر على كدا وريني
فتحت أول صفحة ما فهمت شي !!
ثاني صفحة قصة سيدنا يوسف اش دخلها بالموضوع مدري ؟
ثالث صفحة : يا وطن يا أرض .... قلت بس هوا دا حكتبه في موضوع
أوركيد .. طبعا ما فهمت غير الكلمتين الأولى خخخخ


وبس .. أكلنا وهسترنا أنا وميمي واختها ورجعنا
وطبعا نقول والله الملك عبدالله هذا رهيب
انبسطنا وغيرنا جو واليوم دا بالإجازة كلها ^^ < بكش



أدري كلام طويل ومالو طعم ولا لون ولا ريحة ومالو داعي
بس لسى دحين صحيت من النوم بس ما صحصحت
< ترا الكلام 3/4 جد والربع الباقي تأليف خخخ
وبالطول بالعرض أبا أشآرك في الموضوع

\
/
\


كل عام والمملكة بخير وإلى خير ..
< كويس قالت كلمة عدلة
خخخ


أوركيد ~> ترا يحق لك بقوة تحذفي الرد خخخخ
.
.

سحوره كتب:

العازفه ضحكتييييني بقوووة والله .
.
اساسا هذا الزمن ماصار فيه اطفال فيهم براءة . >>الله يرحم ايامنا بس .

دووم الضحكة يآرب
هما الأطفال يا مررة مافي برآءة يا عليهم هباااالهـ !! خخخ

أوركيد كتب:

العازفة..أحلى عزف ..في يوم الوطن ..هههههههههههه مميزة في كلماتك ومدونتك ..كنز من الدرر

يؤ يؤ ما اقدر على دا الكلام
أحرجتيني صرآحه