~ تـوميّ ~

موضوع: رد: ~ تـوميّ ~ 2/9/2011, 12:25 pm

السسلام عليييكمْ ^^
اهللن بكم من جدييد ف عالمي المتواضع ♥
هذا اذا كنتوا لسا تفتكروني :p
بعد الغيبة الطويييلة جداً و التي استمرت لمدة 33 يوماً
> حطمت الرقم القياسي ف الغيبة هع
و [ كل عاام و انتوا بخييير ]
دي لرمضان اللي ما بركت لكم فيه :$
و للعييد بالمرة > ياازيين الاقتصااد =p

||

ايوة كيييفكم يَ آنسـآت ، و كيف كان رمضانكم و عيدكم !
نجو .. آمييين ياااربْ ^^
الله يسسسعدك <3

سوسو .. انا هنـآ يَ حلوتيّ :")
بس برمضان ما دخلتْ علشان
ما اضيع وقتيّ و وقتكم :$
الله يسسعدكِ ع سؤالك <3<3

||

انا الحممدلله كويسـآ و بخيير
و مرررررة مرررررررة وحشششتوونيّ و الله <3
و رمضاننا كان مع البسس السنة دي ^_^
لنا حكاية مطوولة معاهم :")
تخيلوا يوم 13 رمضان ف بسة ولدت بجنب باب جيرانا
لان عند بابهم طاولة راحت ولدت تحتها
يناااسسسو جابت بسة صغيروونة حلييوة
بس سودة ^^"
و كنـآ نهتم فييهـآ و نشربها حليب : ) <3
و بعدها بكم يوم جيراننا جابوا بسسة لونها رصاصي و ابيض
صغييرة كمــآن و ينااسو عليها ^_^
و كنت ادخلها بيتنا و العب معاها و ف عالم كانت تخاف
> ترآ ابدا مو عيوشتنا :p
مرررة حبوووبة و عيدت عندهم :") <3

||

و رمضانيّ دي السننة مررة حلوو و حسيت بأشياء حلوة كثير ^^
واااااااااو نسيت احكيكم ع الاكشن :")
تخيلوا انا و شيوخ اعتكفنا بمسجد الكوثر يوم 22 و 23
من بعد العشا الين التهجد ^^
و كانوا صحباتي هناك <3
أميمتي و زيونيّ و اخواتهم نسيبة و رفيدة
و صحباتي أسماء و منيرة و اختها عفاف
و بشرى صحبتي بس يوم 23 :""")
كان ششي جمييييييييل جداا
بجد ندمت انيّ رمضانات الماضية ما عتكفت : (
مررة انبسسطت معاهم <3
الله يسسسعدهم كلهم يااااارب <3<3

||

امـآ بالنسبة لعيديّ فهو جميل حتى اتفاءل ف القادم ^^
لكن حقيقةً لم يتوقف دماغي عن التفكير بالمدرسة :"""(
بجد من يوم الثلاثاء شايلة همها ..
لدرجة إن حالتيّ ازدادتْ سوءً و مَ قدرت أنام اليوم =.=
مررررة شايلة همم كيف أروح المدرسة و شيوخ لاا :"(
بجد حاسة بمسؤولية انيّ صرت الكبيرة
لانو دحين لازم انا اللي اصحي بشوري و كدآ :"""(
ما ابغاااااا ادااااوم دحييييييييين ><
و بشوريّ نفس حالتي مسكيينة =(
خصوصاً انها رايحة متوسط و ديّ صدمة كبيرة عليها :p
الله يعييين بسس :/
و زي ما قالت بنت خالتي الموقرة و العزيزة <3
[ المدرسة لابد من العودة لها مهما طالت الإجازة ! ]

||

اووه صح مدريّ مين السكرة و الحلوة جداً
اللي ثبتت يومياتيّ المتواضعة
بجد مرررة ششششششككررراً
و يااااااربْ يسسسعدهـآ ♥

يلا يَ عسولات ^_^
حقوم أفطر ..
أشوفكم ع خييير
و أستودعكمْ الله ♥

موضوع: رد: ~ تـوميّ ~ 3/9/2011, 12:44 am

يآ أهلآ وسهلآ باللي رجعوا لنآ بالسلآمه بعد طول غيآب Razz

والله تو مآ نور المنتدى تومي =)

كل عآم وانتي بخــــــــــير <<حق العيد ض1

دوووووووووم يآرب البسطهـ والاحسآس الحلو يآ قمـر

احنآ تمآم بشوفتكـ ^_*

بالعآفيه ع قلبـكـ ..~

موضوع: رد: ~ تـوميّ ~ 6/9/2011, 6:00 pm

نجوو .. :"")
أهللن فيكي ^^
منور بوجودك يَ حلوتيّ :$ <3
و انتيّ يصحة و سلامة ^_^
و اييياكي ياااااارب : )
الله يسسعدك <3
اووه صح مبروووووووووووك ع الترقية ^_^
و ششكلك طاالع كشششخة ما ششاء الله عليكيّ :"")

‘،

صباحكمْ / مساءكمْ ،، طهرٌ أبيضْ
صباحكمْ / مساءكمْ ،، نبضٌ قلبٍ يملؤه الحب
صبااحكمْ / مساءكمْ ،، كمـآ تحبون و أجمل

||

يَ أهللنْ بـ الحلوات و رايقـآت زيي ^_^
ما هيّ أخبار الجميلااتْ ، الأنيقـآت ! :""
أنا الحممدلله كويسـآ .. و أخيييراً جييت عندكمْ <3
النت اليوم مررة مو راضيّ علينا اساسا كل يوم و هوا زعلان مننا TT_TT
تخييلو لييا ساعتيين و نص و انا احاول اشبكو =.=
و ما ابغا افتح من نت الجيران ما احب السرقة من يومي :p
بس وش نسسوي نحنا نحاول انو ما نسسرق
بس نجبر ع ذلك ، ياارب بس يجيي اليوم اللي اشوف
النت موجود ف كل جددة و مررة سرريييع > أمنيتيّ اللي ابا اعيشها هع

‘،

اييوة نفسسيّ اعرف هوا العالم كلو يعاني من مششكلة
النوم السائدة ديّ الأيام و لا بس انا اللي اعيشها ! Oo
تخييليوا لما انام بعد صلاة العشا 3 ساعات بالكثير و اصحى
و لما انام شويا متأخر يعني 2 او 1 نفس الحكاية
بعد الفجر ما انام :/
و اليوم نمت بعد الفجر و كمان 3 ساعات و صحييت
اش دآ اببا اناااااااااام علششان احلل اللي بقي ف الإجازة =(

‘،

نسسيت احكييكم ^^
أمس يوم الاثنين الموافق 7 - 10 - 1432 هـ
ليلة الثلاثاء طبعاً . . كـآن زواج أحلى عروسة بالدنيا
فطوم الجميييلة <3<3
طبعاً دي عضوة جديدة عليكم حكيكم عنها :")
فطوم كانت بنت جارتنا لمدة 18 سنة تقريباً
و من جماعتنا برضو و صحبة شيوخ من يوم و هما صغار جداً جداً ^_^
و بنت لزوزة و عسولة ما ششاء الله عليها و أختنـآ اللي تربينا معاها ♥
تصصدقوا مَ حضرنا زواجهـآ =(
لانو كان بالييمن و نحنا مَ سافرنا و كدا !
و قبل مَ تسافر بيوم رحنا سلمنا عليها ، و طببعاً عمللنا أكشششن
و بكييينااااا لما شبعنا . . و انا قلت ف نفسي ما حبكي قدامها
بس وربيّ مَ قددرت امسك نفسي كل العالم بكي و انا اقاوم الييين بكيييت =(
و أمس كلمناها و هيا عند الكوافيرآ و هيا تبكي و نحنا نبكيّ
بجد كان نفسسنا نحضر بس الحممدلله إن ششاء الله فييه خييير لنا ()"
و إن ششاء الله مامتها لما حترجع حتورينا صورهـآ =)
ياااربْ يسسسعدهـآ وَ يهنيها وَ يوفققهـآ وين مَ كانتْ ♥

‘،

أوووه صح قريبْ إن ششاء الله
حورييكمْ ششي امكن تنبسطوا ^^"
خلوها مفاجأة :"")

يلا يَ عسولاتْ ..
أششوفكمْ ع خير ياااربْ
أستودعكمْ الله <3

موضوع: رد: ~ تـوميّ ~ 7/9/2011, 1:34 pm

الله يبآرك فيكي :$ :$ :$

لمن شفت اسمي استغربت وجلست اضحك ض1

انا تمآم الحمدلله بشوفتك =)

يآ الله خسآره =(

ع قولتك خيره ان شاء الله .. ربي يوفقهآ ويسعدهآ Smile

شو المفآجأه <<اتحمست

موضوع: رد: ~ تـوميّ ~ 8/9/2011, 8:26 am

السلام علييييكمْ يَ جميلات :")

أهلللن بـ نجوتيّ <3
بجد ششكلك كششخة يَ وكيلتنـآ :p
اييييه مررة خسسارة ، إن ششاء اله يااارب يسمع منك :$ ^^
الماجأة جاات يَ سستي ع حظك خلصتها :"")
بس خلييني أكلم الجميلات اللي بديت اشك
انو محد يسسمعني غييرك هع
بس اكييد هما هنا و انا ما اششوفهم <3
و بعديين حورييكم هييـآ ^__^

. .

كيف الأنيقات اليوم ! ^^
انا الحمممدلله بخيير و نعممة و كل ششي تمام : )
و حااسة بفررح اليوم و لله الحممد =)
شوفتونيّ و انا متكششخة :$
http://goo.gl/brS7l‏
ربيّ يسسعدها صحبتيّ أنهاار <3
قبل أمس طلبت منها ترسسمنيّ و رسمتنيّ :$
و خلتنيي جمييييلة جدا كمـآن ^^
ربي يحففظها و يزيدها من فضضله ياااااااااااربْ ()

. .

اوووه صح أمسس رحت مع شيوختيّ <3
زواج صحبتها أحممسسس مافي الزواج
انو نصص بنات مدرسستهم كانوا موجوديين :"")
و ربيّ كان ششي حلللو ^^
و طبعاً جلسوا يتونسسوا ع حسسي :/
كل ششوية يقولوا ميين عندو دوام السببت ! ><
و لا يقولوا يحزنوا اللي حيياكلوا اكل مو طعم يوم السبت
> للتوضيح يقصدوا كاكو :p
و الحمممدلله مرة انبسسطنا مع بعض ^_^

. .

و نيجي للمفاجأة دحيين ; )
من زماان جداً و انا الفتاة المشغولة
افكر افتح ليّ تمبلر ..
اللي هوآ موقع زي البلوق و دي الأشياء
تحطي صور وَ مقاطع صوتية وَ كلامْ وَ ممكن فيديو كمان ^^
المهم ششي جميييييييييل جدااً <3
و تابعيّ ناس وَ يتابعوكِ و كدآ يعنيّ
> نصيحة منيّ ابحثوا عن مهمتو ف قوقل :p

. .

المهم من العام و انا افكر اعملي واحد
بس أعرف نفسسيّ اذا عملتوا حتعلق فيه و حعيد ف دراستي XD
يكفي الفيس و التويتر هع
و بداية الإجازة كنت ع اساس انيّ أعملوا
بس انشغلت و ترددت مدري ليه :$
و قبل أمس عقدت عقداً قاطعاً و عملت لي واحد ^___^
و بسس هيا المفاجأة :"")
> احب أعملكم أكشن و تشويق بس علشان تتابعوني اكثر :p
و هذيّ أنـآ http://i-2me.tumblr.com/
حييياكمْ الله <3

. .

يلا يَ جمييلااتْ
حقوم انام ^^
تصصبحون ع خيير
أستودعكم الله <3

موضوع: رد: ~ تـوميّ ~ 10/9/2011, 10:21 am

الاستغفار ،،
لا يصنع الأمل فقط ، بل يرمم أحلامنا !
وَ يفتح أبواب السماء برزقٍ لا ينتهي *

فلنبدأ صباحتنا بالاستغفار يَ جميلاتْ :"")

|~

السسلام علييييييكم ^^
صباحكم مرييول أصفر
صبااحكم شراب أبيض
صبااحكم مدرسة : )

صباحكمْ عامٌ دراسيٌ جدييدْ :")
يارب ارزقنا خير ما فييه ^_^
جددوا نواياتكم <3

|~

كييفكمْ ! و كيف الهممة يَ حلوات ْ !
انا الحممدلله كويسـآ وَ نشييطة كمان
لاني نمت 10 و صحيت 4 ^^
و شعووري كـ طالبة ثاني ثانوي علمي إن ششاء الله
أشششعر بالخووف وَ الرعبب الشدييدييين جدا :/
و من دحين جالسة افكر كيف حذاكر لوحدي
من غير شييوخ :""(
الله يهديهم ليه خلوا شيوخ تتخرج =(

|~

اووه صصح امس حمودي ولد عمو
جا عندنا قبل ما انام ^^
تخيلوا من رمضان ما شفتووا : (
كان مسسافر و رجع الخميسس :""")
مررة انبسسطت لما ششفتوا بس قهر لانو ما طول عندنا ^^"

|~

اييوة نرجع لمحور حديثنا المدرسة :p
و ميين كان يتخيل انو بشوري حتدخل المتوسط :$
أحسس انها كبررت بدري هع
و اليوم حتلبس مريولها الورديّ ^^
و انا و اخيييييييييرا جا دوور عهدي
و حصير اركب قدام بجنب بابا ف السيااارة ^_____^
طبعا دآ الشي استناه من زماااااان متى يجي
لانو نحنا عندنا الكبير يجلس قدام : )
عهد اخويا جلس بجنب بابا 3 سنين
و اكثر وحدة انبسطت ف عهدها عيوش 12 سنة ما ششاء الله :/
و شيوخ عهدها سنتييين بس حللتها صصصح
و لا مرررررررة خلتني اجلس مكانها :"(
و دحييين جاااا دووووري =)

|~

شووفوا مرييولي ^^

~ تـوميّ ~ - صفحة 7 818855060

لبس العافية ان ششاء الله هع

~

و دآ حق بششوري <3

~ تـوميّ ~ - صفحة 7 807176601

الله يعطيها خيرو و يكفيها شرو :p

|~

يلا يَ حلواات
بقوووم أتششيك و اتدلع
للمدرسسة الجمييلة ^^
أشوفكم ع خيير
أستودعكم الله <3

موضوع: رد: ~ تـوميّ ~ 11/9/2011, 6:45 am

هههههههههههههههه ترآ شكلهم نآموآ مع الاجآزه بس إن شآء الله يصحو مع المدرسه

يب الصوووره حلوه ما شآء الله تسلم يد أنهآر =)

حمآس الحمدلله انك اتونستي بالفرح

مآ شآء الله روووعهـ الصفحه تومي <<حفظتهآ بالمفضله Very Happy

والله كآن صبآح القلق >_< هع أول يوم لآزم درآمآ هههههههه

مآشآء الله <<عدلي لي نومي تومي =(

ايه والله ليش خلوا اخواتنا يتخرجوا واحنا نقعد لوحدنا >_<

يلآ أهم شي شفتيه ومليتي عينك فيه الله يخليه لكم =)

هههههههههه الله يعينها أول يوم

يب تومي جا دورنآ نركب قدآم =D

بس اتعودت ع مكاني ورآ ولمن كنت اترجى صفو اركب قدآم وتقول لآ بنبرة تقهرني فيها هههههههه

احلى شي لمن تغيب اجلس مكانها واضحك ض1

حمآآآآآآآس التصوير مآ شآء الله Smile

لبس العآفيه ^_*

..~

موضوع: رد: ~ تـوميّ ~ 12/9/2011, 5:02 am

يَ مسااء الروقان :"")
مساءكم بنت شطورة حلت واجب الاحياء :p :$

||

يَ أهللن بـ نجو الحللوة <3
ههههههههههه شكلو كدا هع
الله يسسلمك ^^"
انتي الاروع :p تصدقي افكر اكتب فيها يومياتي
و اعتزل من هنا ! بس لسسا ما قررت و مَ أعتقد اقدر ابعد من هنا
بس هيا فكرة لسا تحت الاختبار : )

. .

خرببت نوومي =(
بس ان ششاء الله بكرا حصلحوا من جديد
انتي حاولي انك تخلصي كل شي علشان تنامي 10
ترا اكتشفوا علميا انو يعني اللي ينام 10 يصحى مروق
و الله ما امززح ترا بس ما افتكر ادا المعلومة صح صح و لا لا
بس دا اللي اعرفو ^^"

. .

هههههههههه تصدقي من حسسن حظي
انو امس عيوش راحت توصل بشوري علشانها خايفة و كدا
و جلسست قدام و انا رجعت ورا ><
و اليوم لما جيت بركب قدام كان ف سيارة بجنب الباب مو قادرة افتحوا
رحت قلت و الله لـ أركب قدام و سويت اني عبيطة
و ركبت من ورا و نطيت ع قدام > غصب اركب XD
اول ما جلست حسيت بشعور انتصار مدري ليه هع

الله يسسعدك و ترا المدرسة اليوم كانت مظلمة : (

||

ايييوة كييفكم يَ حلوات !
و كيف كان اول يوم :")
انا الحممدلله كويسـآ و أمس كان نوعا ما ملل
بس احلى شي اني صرت 2 ثانوي طبييعي ^__^
يااااارب لك الحمممد =)
بجد حسيت اني فجأة كدآ صرت كبيرة :$

~

و لا يفوووووتكم بنات سنة اولى !
ما ششاء الله علييهم مررة ماخذيين راحتهم بالمدرسة
كأنهم دايما كانوا عندنا Oo
افتكر شكلي العام كان جدااا مضضضحك :$
كنت بمدرسة شيوخ و اول ما دخلنا الثانية " ثانوية شيوختنا "
كنت ماسسكة فييها من كل قلبي لدرجة انها ما كانت قادرة تتنفس هع
و وجهي ابييض و مفجووعة من كل البنات
كلهم كبار و طوال ما ششاء الله هع
و بعدين لقيت صحباتي و انبسطنا
و يوم ما بدأت اتعود ع الثانية المدرسة السيئة جدا ما احبها :/
عيوش نقلتني ع الثامنة و اول ما دخلتها
قلت لـ حنو صحبتي ابغا ارجع الثانية :"""(
بس الحممدلله دحيين صرت احببها و عاجبتني كمان ^^

~

تدروا اش احلى ششي ^^
انو ابلاتنا طلعوا معانا :""""""")
الحمممدلله مررة كنت خايفة انهم يتغيروا ..
بس ابلة العربي جاتنا وحدة صانية اسمها ابلة زهرة
و شكلها طيبة و ان ششاء الله تكون كدآ : )
و ابلة غالية حتدرسنا تفسير ^__^
و ابلة جديدة جدا و مادتها جديدة
اسمها ابلة مهرة و مادتها مهارات حياتية مدري اش هيا بالزبط |×
تصدقوا احس انو دي المادة في طياتها بعض من الخوف
و الرعب احسها حتكون زي التربية العام :/
بس ان شاء الله يكون احساسي غلط ياارب ()

~

الييوم اخذنا اول درس احياء بثانيّ و كمان كنا اول فصل اخذناه ^^
كان سهل يعني مو درس درس تقدروا تسموه دورييس :p
مررة حللو كان عن الاسماك و خصائصها : )
و اعطنا ابلة انعام واجب ^_^
و ابلة فوزية قالت بكرا حتعطينا اول درس رياضيات :"")
مرررة متحممسسسة ^^
رغم انو اليوم اعطت لنا نبذة بسيطة جدا عن الباب
و كلوا اخذنها ف المتوسط بس و هيا تشرح لنا
احس انو راسي عوورني من كثر ما احاول استرجع المعلومات ><

~

تخيلوا اليوم رحت المكتبة ع اساس اشتري ملف للكيمياء
و الاحياء و الرياضيات ومن الحمااس اللي فيني
جبت التجليد و الدفاتر و كل ششي و نسيت الملفات هع
بجد انققهرت كنت متحمسسة اجلدهم :"(
بس شوفوا جلدت دفاتر الماث مررة طالعيين كيوتييين ^^
حبييييييييتهم <3

~ تـوميّ ~ - صفحة 7 875932119

بس مو ناقص غير اسسمي لسا ما عملتوا
حعملوا بالفوتوشوب دحيين ^_^

و دي الخامات اللي جبتها
~ تـوميّ ~ - صفحة 7 880707489

محتاارة اجلد ملف الكيميا بأي واحد منهم !
كويس اني مَ جبت الملف علشان افكر اعملوا كيف =)
مرررة متحمممسسسة للتزيين كتبي و ملفاتي و عفشي ^_^

||

يلا يَ حللوات ..
انني اتهزأ لان بشوري نامت
و ما بقي الا انا و طبعا عائلتي الكريمة
يجببوني بزيادة و يبغوني انام : (
يلا تصصبحوا ع خيير <3
أستودعكم الله <3

موضوع: رد: ~ تـوميّ ~ 13/9/2011, 11:01 am

صباح الأمـل بالله ..
وَ الطمأنينة في ظله ..
وَ الثقة بما عنده ..
اللهم اكتب لنـآ الخير فيّ هذا الصباحْ ♥ :"")

||

السلام علييكمْ ^^
يَ أهللنْ بالحلوات ، كييفكمْ يَ جميلاتْ !
و كيف صباحاتكمْ ! : )
انا الحممدلله بخيير و نعممة ^_^
و أمس أخذنا أول درس رياضيات و الله كان فينيّ تناحة مو طبيعية Oo
لدرجة حسسيت انيّ عيييدت من قللبي ف الاجازة
و خايفة مستوايا ينزل =(
علششان كدآ راجعت الدرس و حليت الواجب و جلست ادور ع ملزمتي تبع سنة 3
متوسسط علشان نفسس الدروس ناخذها دحيين
و بعد ما عفسست البيت افتكرت انو ابلتي نهاية السنة اخذت ملازيمي هع
فنصصيحة منيّ لـا تعطوا احد كتبكم اللي تحسوا انكمْ حترجعوا لها ف يومٍ ما :p

||

و عملللت شطورة كمـآن و فتحت كتاب الكيميا حملتوا قبل امس ع الجهاز
و اول ما فتحتوا انفجعت و حسسيت بخوف منو و قفلتوا XD
بس أمس فتحتوا مرة ثانية و قرأت الدرس الاول مرررة متتتع =)
و طبعا دا انجاز انيّ أحضر درس لانيّ مو من دآ النوع اببدا
لانيّ يوم ف المتوسط حضرت رياضيات و فهمت نفسي و لما الابلة شرحت
خبببصصصت ام الدنيييييااا و لا فهمت ششي =.=
فعلشان كدآ من بعد دا الشي ما حضرت اببدا ^^"
و كنتْ حعمل مطوية الكيميا بس قلت بلااش اتحمسس بزيادة
و ما عملتها هع

||

و بمناسبة اني تنحت امس ف حصة الماث
قلت امكن من السسهر فنمت اليوم بدررري
زي اييام الابتدائي لما كنت بنت كويسـآ XD
الساعة 9 صليت العشا و ع طوول نمت حتى قبل بشوري هع
و صحيت 4 مصحصحة و مروووقة الحمممدلله ^__^

||

المهم يَ حلوات ..
حقوم ألبس مريوليّ و أمشط شعري
و كلها نص ساعة إن ششاء الله و حكون بالمدرسسة :")
أششوفكم ع خييير
و استمتعوا بيومك و فرحوا نفسسكم
بالاشياء البسيييطة جداً و صدقوني حتحسوا بسعادة ^_^
أسسستودعكمْ الله <3

||

ابدأ صباحكْ بذكر الإله ، فذكر الإله يزيد النعم <3
" أذكار الصباح أيها الأحبة " ^_*

موضوع: رد: ~ تـوميّ ~ 15/9/2011, 11:47 am

شُكراً لأنه الصباح . .
لأنه رحمة الله إلينا . .
وابتسامة نستطيع أن نتذكرها ونسترجعها جيداً ! *

. .

السلاام علييكم ^^
صباحكمْ سعادة و أشياء جمييلة <3
و أخييرا خلص الاسبوع oO
بجد حسيت انيّ من زمااان ادااوم
مو كأنو أول اسبوع دراسي هع
كييفكم ! وَ كيف كـآنْ أسبووعكمْ !
أنا الحممدلله كويسسـآ و أسبوعيّ طويل بس حليوي :"")

. .

ايييوة صح يوم الثلاثا اعطونا 3 كتبْ " أول الغيث قطرة "
> مدري اش دخلوا هنا بس ابغا اكشخ فيه XD
اعطونا [ تفسير - عربي - مهارات حياتية ]
مامتيّ أول ما شافت التفسير لانو مرة عرييض
قالت اللهم زد و باارك ، مدريّ لما وين تباهم يعرضوه هع
و جللدتها ع طوول و حضضرت المادة الجدييدة مهارات .. > اسمها طوييل :p
طللعت حلييوة و سهلوونة كمـآن بس اسمها عاملي ازمة ما ينفع يغيروه ! :"( هع

. .

و العربي عملت مراجعة لمعلوماتي النحوية التي تمحى سريعا من دماغي
و اخذنا أمس مقدمة للدرس مدري مراجعة و لحد الآن كويسين الحممدلله ^^
و أخذنا أول درس ف المهارات عاادي بعني ما فيه ششي !
بس الله يعيين لانو ما ششاء الله الابلة تقرأ بالننننص :/
شوفوا كتبييّ :""")

~ تـوميّ ~ - صفحة 7 787522993

~

اما ف كتاب المهرات ف كللجة جااااااااامدة جداً XD

~ تـوميّ ~ - صفحة 7 435762523

صراحة مدري كيف ما انتبهوا !

. .

اووهـ صصح امس رحنـآ ايكيـآ ^_^
كانت خرجة جمييييلة نص جدا
لانو مو كلنا خرجنا بس انا و شيوخ و اخويا و ماما :")
انا و شيوخ عملنا اكشن ف الطريق نقااش حااد ليين صدعنا هع
بس ما طولنا هناك ع طوول رجعنا بيتنا 10 ونص تقريبا ^^"

. .

واااااااااه صصح تخيييلوا اش صاار امسس :""(
اخويا صار يرجعني من المدرسة و كدآ بما انو عندنا يعني ^_^
و امس كان حيعمل لنا مفاجئة انا وَ بششوريّ
بس الله يهديييها بششوريّ خربببتها علييينـآ =.=
تخيلوا كان حيوديينا بااسكن بعد المدرسسة ^____^
بس بشوري رجعت مع بنت جيراننا فتكنسسلت المفاجئة حقتنا ><
اخويا قالي ترا كنت حوديكم و كدآ عاد انا طالعت ف بشوري
و عيوني يملؤلها الحزن و الشر بالنفس الوقت هع
كان ودي اكفخها وقتهاا بس ما سويتها الحممدلله :p
بس إن ششاء الله يعملها لناا قبل ما يساافر ()" : (

. .

وااااااو في شششي حلللللللو كمان صار امس ^_^
بششوري بما انها صارت بمدرستي تبع المتوسط
أبلتي إششراقتيّ <3
سسجلتها بـ مجلتنا إششراقة <3 :"")
و أمس وزعوا الاقسسام بيينهم راحت ابلة عائشة اعطت
بشووري قسم تبع كلام و هررج عن المدرسة و كدآ
و كنت انا الوحيييييدة اللي اعررف اعملللوا ^^
و قالت لها خذي دآ لأن فطوم تعرف تسوويه :"")
و إن ششاء الله حصيير اعملهم دايما دا القسسسم
حمااااااااااس حنزل ف إشراقة من جدييييد <3
بجد مررررة وحششششتنييي مجلتنا : (
مررة فرحاانة اني حقدر انزل فيها ^^
ان ششاء الله ربي يبارك لي ف وقتيّ <3

. .

يلا يَ حلللوات ،،
حقققوم احل واجباتيّ ^^
و بعديين حعمل حصة الرسم اللي كان مفروض اعملها امس
لانو موهبتي دي بدأت تتلااشى وَ تختفيّ وَ تضيع منيّ كمـآن :"""(
ع اساس انيّ انميها و ادخل فني بالثانوي بس عندنا ما كان في دآ شي :/
و انا سسحبت ع الرسم سحببة أليييمة جدا :p
رغم انيّ الصيف الماضي جبت لوح كبيرة و فرش و الوان و كدآ
بس المششكلة انيّ ما عملت ششي و طنشت الهرجة هع

أششوفكمْ ع خيير ^_^
أسستودعكمْ الله <3

. .

عن نعيم بن همار رضي الله عنه قال :
سمعت رسول الله صلى الله عليه وسلم يقول :
[ يقول الله تعالى : ابن آدم، لا تعجزني من أربع ركعات من أول نهارك أكفك آخره ] .

*لا تنسوا ، صلاة الضحى يَ رفيقات الجننة <3

موضوع: رد: ~ تـوميّ ~ 16/9/2011, 8:02 pm

أهلييييييييين تومي Smile

<<<بدرررررررري مررررررررررره :s

سوري ما حضرت هنا والله اسبوعي كان زحمممممه وهلآآآآآآآآك :#

يب فكره حلوه بس نبغاكي هنا Smile

مانقدر ع فرآقك Sad

يؤيؤ أجل الله يعينك عشان تعدليه >_<

يب يب صح لمن انام بدري اقوم احلى روقان ونشآط Very Happy

يآ قلبي أنتي =) المدرسه منوره بوجودك مآ يحتآج أنآ ^_*

مآ شآء الله عليكي حلوه التزيينآت مررررره

هههههههههههههههههه الكلجه تضحك بس ما انتبهت لها
لاني ما فتحت ولا كتاب ولا كتبت اسمي حتى Very Happy

ان شاء الله اليوم اجلدهم واحط اسمي عليهم واخلص منهم

الله يوفقك تومي و يزيدك نشآط و حيويه يآ رب =)

مآ شآء الله حمآآآآآس رجعتي لمجلة المتوسط Smile

يلآ انا بدي اروح اتفرج فلم لاني صاحيه من الصباح قاعده ع الجهاز
فاتحه الفيس و كلمت سيفو يمكن ساعتين بعدين بدأت في إضآءآت
وكملت حق المصلى وكدا والحين جا وقت وناستي Smile

يلآ أشوفك بكره ان شاء الله يآ عسسله Smile

موضوع: رد: ~ تـوميّ ~ 18/9/2011, 1:37 am

يَ أهلللنْ بـ نجو الحلوة <3 ^^
عادي يَ سستيّ انتيّ تنورينا متى ما جيييتي :"")
آمييين ياااربْ :$
الله يسسسعدك :$ <3
و يسسسرلك أمورك ياارب ()
اهاا ما ششاء الله ربي يبارك لك ف وققتك ياارب
و إن ششاء الله تكوني انبسطتي ^_^
و بجد اليوم كـآن المصصلى مررة حللو
و بدااية جميييلة شششكرآ للكم <3 :""")

|~

مسساءكم درووس و كررف و اشياء حللوة : )
و بدأنـآ ف الدرووس و خلصت ريحة الاجازة
اللي كانت موجودة نوعا ما :p

كييفكم وَ اش اخباركم !
انا الحممدلله كويسسـآ و عندي اشياءات كثثيرة حكيكم عنها ^^"
تصصدقوا اش عملت يوم الخميس !
يقولو و العياذو بالله انيّ صبغت ششعري هع
بس للاسف ما زببط ششي و لا تغير لون ششعري :"""(
تخيلوا اش سالفة الصبغة دي
رحنا انا و شيوخ قبل كم اسبوع زواج صحبتها و شفت
وحدة من صحباتها صابغة شعرها و طالع حللو ما شاء الله <3
و مسسكت ف راسي حكاية الصبغة دي رغم انو ما عندنا ف البيت ناس تصبغ !

|~

المهم اخذت الطريقة منها علشان صبغتها طبيعية و كدآ ^^
و وصيت اخويا يجيب الاكسجين و دا كلوا من غير ما اقول لمامتي و لا لبابتي :$
راح اخويا اتصل و ردت ماما و قالها تسألني اذا الاكسجين كبير اللي ابغاه و لا صغير
و سبحان الله كنت جالسة انا و ماما و بابا ديك الساعة مع بعض
امي ع طوول قالت اش من اكسجين تبغي !!
بكل براءة قلتلهم حصبغ ششعري ^____^"
طبعا امي و ابي الجمييليين طالعوا فيني بنظرات عجييبة جداً
لدرجة اني قلتلهم و الله هوونت ما ابغا اصصبغ :"(
بس ماما قالت عادي و جابوا لي الاكسجين بس انا ترددت و رفعتوا ف الدولاب
و يوم الخميس توكلت ع ربي و قلت حعملها :""")
شيوخ عملتلي هيا و كدآ و خليتها امكن ساعتين و نص
و بعديين غسسلتها و طلع ماافي و لا حتى نص لـون =(
مررة انققهرت بس ان ششاء الله حعيدها مرة ثاانية ^^"

|~

ايييوة صصح فااااتتكم رحلة امسس حقتنا
كاانت جميييييييييييييلة من هنا لما هناااك =)
رحنا خليج سلمان مررة يجننن هوا بحر بعيييد جدا :")
وصلنا هناك وقت الغروب و جلسنا نتصصور و نتونس
و انا و شييوخ تسابقنا و صرخنا و بشوري فسخت عبايتها :p
و فكيييت الطررحة بس ما كان ف احد طبعا ^^"
و بعديين لما ظلمت الدنيا جلسنا انا و اخويا نتونس ع بشوري و نخوفها XD
مررررررة كانت الرحلة حللوة و الجو حللو بجد انبسسطنا ^_^

|~

خلونا نرجع للواقع و درسسنا اليوم حقيقة مو لعب !
اخذنا اول درس كيميائي لقد كان مشبع بكميات هائلة من المعلومات :""")
حسسيت وقت الحصصة اننا كبرنا بسسرعا
المعلومات فجأة صارت كلها ما اعرفها هع
و الرياضيات كان دررس جمييل بسس لازم كتتتب و لا حضيييع :"(
و الاحياء مدري اذا هوا كان درس و لا حل لواجب سابق ! :p
و التفسير الحصة مع ابلة غااليية ششي مممتع جدااااا
ربي يحفظها بجد لما دق الجرس كان نفسسي اقولها لا تخرجي و كملي <3<3
ما ششاء الله كلامها مرررة يفتح النفس مررة انبسطت بحصتها <3
و سبحان الله من كثر الاستمتاع اخذنا 3 دروس مع بعض ^^

|~

و نهاية الدوام توصلت لاستنتاج انو كل المعلومات اللي ف راسي خلصصت oO
المواد و الاشياء احسسها كلها جديييدة يعني يبغالي اشد حييلي مزبووووط !
تصصدقوا لدي أزمة صرت اخاف من الدفااتر ابغا ملفاات : (
دفتر الرياضيات مو عاجبنيّ احس مو قادر اخذ راحتي بالكتابة و كل شوية اخبص :"(
و الكييميا ابلة نوال خلتوا دففتر :"""(
حبببكي خلاااص =(
احس اخذ راحتي ف الملف اكثر تخيلوا جلدتوا امس ف الصباح و كدآ
و طللع حلللو ما ششاء الله بس اليوم لما جيت بكتب الدرس فتحتوا
انسسدت نفسسيّ ابغاا ملفففي :""(
الورق كللللو ابييض و مسسطر =.=
و ف اقلام مو حلللوة ع الوررق و الدفتر قصصير
و ما اقدر ازيين ششي و احسس زحمممة ><
و الله كان نفسسي اقول لابلة نوال ابغا اسوي ملف :$
بس ما ابغا اصير مميزة عن البنات بس بجد نفسسي مسسدودة
لدرجة اني ما ابغا اكتب ششي =(
سسساعدونيّ اش اسويّ ف دي الحالة ! =""(
و ترا اقولكم ع شي اول لما جيت بكتب اكتئبت و بكيت شويـآ بس :$
مدري اش فيني هذي الايام صرت دلوووعة و ابكي بسرعا هع
بس بجد ارييد حلاً سريييعاً :"(

|~

يلا يَ سسكرات ..
حراجع الماث و ححضر الكيميا
و حبحث عن كتاب الاحياء بالنت ^^"
أسستودعكم الله :$
أحبببببببببكم <3

موضوع: رد: ~ تـوميّ ~ 18/9/2011, 5:19 am

تسسلمي يآ عسسل =)

يؤ يؤ يلآ يمكن خير لكٍـ ^_*

حمـآآآآآآآآس الرحله Smile

من جــــــــــــد وآقع أليم شويتين >_<

بالذآت الرياضيات احنآ مع أبله أمينه مآ كنآ نكتب في دفتر كله في الكتاب
واليوم والله متتتتتتتتنحه حسيت اني ما فهمت ولآآآآآآآآ شي أقول لصحباتي
موفآهمه يقولوا لآ سهل سهل <<انقلبت الآيهـ >_<

امممم خذي لك الدفاتر الكبيره اللي تخوف هي ترتاحي فيها ويمديكي تزيني كمآن ..

يلآ انا كمان بروح ادور ع كتاب الاحياء 6_6

..

موضوع: رد: ~ تـوميّ ~ 20/9/2011, 8:35 pm

نجوو <3
منورتنيّ يَ سسكرة ^_^
ربيّ يسسعدك :")
ابششرك اقتعنت بالدفتر ^^"

. .

السسلاام علييكم :")
يَ أهلنْ بـ صديقاتيّ العسولاات <3
ما حال الجميلااتْ !
الحمممدلله انا بخير و نعممة يارب لك الحمد =)
مررررة وحششتوووونيّ و الله :$
بجد معلييش يَ بيتيّ الجميل ف اشياء جميلة صارت و مافي وقت اوثقها :$
بس طببعاً دحيين اقوولكم اش صصار ^^

||

يوم الاحد =)
ما افتكر اش صار بالمدرسة بس الشي الوحيد
اللي افتكروا انو اخذذنا الانقللش :")
مررة ششكله كشششخة دي السنة لونه اسسود و حركات ^_^
و من جوآ زي المجلااات الانقليزية ف كلالالام كثثثييير
شكللو ممتع و حلللو و ان ششاء الله
حنسستفييد كلمات جدييدة كثيييرة :"")
بعد المدرسة كان ف ششي حللو صاار ^^
و هوا انو اخويا لما اخذنا مع مدارسنا انا و بشوري
ودانا باسكن روبنز :"""")
مررة شعووور جميييل انك تتمشي بعد المدرسة ع طول =)

||

يوم الاثنيين =)
حقيقة ما افتكر ششي :$
بس ع ما اعتقد انو كان ييوم جميييل :")
و افتكر انيّ رجعت من المدرسسة سعييدة جدا
و لله الحممد من غير سبب ^_^
اووه صح افتكرت اخذنا اول درس انقلش لدي السنة كان حللو ^^

||

الييوم : )
الحمممدلله بدأت احفظ سورة البقرة <3
و رحت المصلى و سمعت ليّ ابلة نوال و خبصت شوية مررة :$
بس ان ششاء الله حثثبتها ^^"
اما الييوم حصة الرياضيات . .
مدريّ اش اقوول بس أبا الكتتب بجد اننيّ بأمّس الحاجة لكتاب الرياضيات =(
الييوم ما قدرت اركز ف الحصصة !
فجأة تنحت و ما فهمت ششيّ و ما عرفت اركز
اكتب اللي ف السبورة و لا افهم :/
فجلست اكتب و ما ركزت ف الشرح
و طببعا كنت ششوية و ابكي شلت هم الاختبار
و اذا ما فهمت كيف حفهم !
و بعد الحصة ركزت ف الدفتر و عرفت انو الدرس سسهل و ما يحتاج ^_^"
بس بجد لااااااااااازم كتتتبب حقيقةً مرة مضايقة علشان دآ الشي =(
ياااااااارب يجييبوها ببكررآ ياااااااااارب ()"

||

و حصة الكيميا اليوم كانت مساائل أحللى ششي <3
احسس بمتتعة و انا احل مسائل الكيميا احس انها تحمسسنيّ مرة
و ما اطفش منها ابببدا :""")
و العربيّ ندى شرحت الدرس اليوم كان ع مجموعتنا الدرس ^^"
و مهارات حياتية كان درس عادي : )
و حصة الاحييا تجنن اليوم مسكت قشور سمك :"""")
محد مسسكها ف الفصل غيري كلهم يتقرفوا قال اييه وع ريحة سمك هع
سببحان الله شكل القشور كأنها قشرة ثوم تحسيها لما تشوفيها
انها خفييفة و زي الورق بس لما مسكتها طلعت قاسية ^_^
و كمان مسسكت شي ثاني نسييت اش هوا XD"
بس شي ف السسمكة شكلو خياشيم او شي زي كدا ^^"
ششكلو حللو سبحااان الله () <3

||

يلا يَ حلوات ..
أششوفكمْ ع خير إن ششاء الله =)
أسستودعكمْ الله (F)
أحبببببكم <3 :$

موضوع: رد: ~ تـوميّ ~ 20/9/2011, 11:39 pm

: ) أهلين تومي

هههههههههه كويس انك اقتنعتي

يب الانقلش كشخخه مرررره ومليآن كلآم وصصور

مبسوطه مررره اني شفتك اليوم بالمصلى Smile

واو حمآآآآآآس <<ع التمشيه & مسآئل الكيميآ

موضوع: رد: ~ تـوميّ ~ 21/9/2011, 9:53 pm

هلا بـ نجووتيّ <3 ^_^
الله يسسعدك :$
و انا كماان والله مرة انبسط لما اجيّ المصلى
واشوفك انتي و صباح الجميلات :$ <3
الييوم كان نفسسيّ أجلس معاكِ بالمصلى
و سألت عنك قالت ليّ صباح انك غايبه و بالمرة قالتليّ السبب :p
يلا إن ششاء الله تنبسسسطيّ :"")

. .

يَ أهلللييييييينْ =)
مسساءكم اربعاء جميييل
كـ جماال ارواحكمْ النقية <3
كييفكم ! وخلص الاسبوع دآ بسسسرعا جدا !
الحممدلله انا بخيير و نعمة و مبسووووطة ^_^
كللللللوووووووووووش و اخييييراً "ن" جاااااااات الكتتتتتتتتببب ^^
احسس ودي اصصصرخ من كثر الفرحة :"")
الحممممدلله لك يااااارب ^___^

~ تـوميّ ~ - صفحة 7 703514981

..

|~

بجد احس فينيّ فرحة كبييرة بحجم كتاب الاحياء المفجع هع
تخييلوا شككلو جدا يففففججع 12 فصصل oO
ششي مو طبييعيّ صح انو ممممتتتع جداا
بس الله يعييييين وقت المذاكرة =/
العام 9 فصول و عملللت حففلللة يوم الاختبار بكييت و صرخت و شديت شعري ×|
لانو الله يهديها ابلة انعام ما رضييت تخفف لنا ششي كلللو معانا :"(
صح انو كل البنات ذاكروا من الاسئلة و الاوراق و قالوا لي اسوي زيهم
بس قلبي ما طاوعني و حفظت الكتاب كللو =.=
و ف النهاية كان كلوا من الاسئلة و الاوراق !
بس يااااااااارب دي السنة ابلة انعام تشفق علينا و نكسر خاطرها
و تخفف لنا :""( ياااااااارب ()"

|~

و كتاب الرياضيات و الكييميا جااااو كمااان ^___^
مرررحـآ مرحـآ و اخيييرا حذاكر ف الويك اند من الكتبب :"")
اماا يفوووووتكم الييوم اش صااار !
تخيييلوا الحصص الاولي كنـآ نعييش جو دراسة زماان الزماان =p
حصة الكيميا كانت الثانية و كنا لسا بدون كتب
و الكهربا مدري اش صار لها اليوم زعللت علييينا و ما اشتغلت الانوار
فكنا عايششين شعور التعليم الحقيقي لا لمبات و لا كتب هع
الحمممدلله ع دي النعمم بجد الكتب ما حسيت انها نعمة
الا لمن اخروها و ما جابوها لنا بسسرعا ..
الحممممدلله لك يااارب ع نعمك التي لا تحصى ، الحممدلله <3

|~

حصصة التفسير صرت احبببها كثيييييير :"")
ربي يسسسسعدها ابلة غاليية <3
بجد اليوم افتكرت كلام ابلة عائشة لما قلتها
حتوششينا و حتوحشنا حصص التوحيد <3
قالت مع ابلة غالية حتنسونيّ
بجد مررة ممتتعة حصتها فيها كميية جمال غير طبيعية <3
بس طبعا حصص التوحيد كانت لها لذذة مختلفة <3

|~

تصصدقوا ليا 3 ايام ف حصة التفسير لما اشوف ابلة غالية
افتكر ابلة امل الحربيّ نفسسيّ افهم
ليش بالزبط افتكرها لما اشوف ابلة غالية !
بجد مرررررة وحشششتيييني و الله ابلة امـلْ <3
يااااربْ يسسسسعدها و ترجع لنا بالسلامة ان ششاء الله :")

|~

نسسيت اقوولكم بمناسبة انهم ادونا الكتب
اششتريت لـ اخواتيّ و اخويا ببسي و ع حساب اخويا كمان =p
اهم ششي النيييية ما يهم مين دفع XD
و طبعا الببسي ف بيتنا من الممنوعااات بابتيّ اذا لمح طيف ببسي
ع طووول بدون نقااش يكبوو :""(
و ما اششربوا الا لما نروح مطعم او اذا خرجنا مع اخويا لوحدنا
اساسا محد يشربوا غيري انا و اخويا ^^"
فيعتبر ششي عظييم اني جبت لهم ببسي و دخلتوا بييتنا :p

|~

يلا يَ حللواتْ . .
أششوفكمْ ع خيير ^^
أستودعكمْ الله <3

موضوع: رد: ~ تـوميّ ~ 25/9/2011, 4:44 am

مدخل :
لانه وطن جمعني بك ، يحق لي ان أعشقه ♥
*لـ مي الخريجي

|~

السلام علييكمْ
مسسااءكم أحضضضررر <3
أول ششي ربيّ يحفظ هـ البلد من كل شر ياارب <3<3
و مدري اش يقولو بهـ المناسبة السعيدة ^^"
بس الليّ أعرفوا انيّ أحبب هـ الوطن و احسسو وطنيّ و أكثر :$ <3
اييوة كييييفكمْ ! وَ كيف كانت إجازتكمْ + سبتكم !
انا الحمممدلله بخيير و نعمة يارب لك الحممد ^_^
كنت مضايقة شويآ بعد المغرب بس الحمممدلله لك يارب دحين مروقة و كويسـآ :"")

|~

خميسيّ كان جمييل خرجنا خرجة شبابية بدون مامتنا و لا بابتنا :p
رحنا مول التحلية و اشترينا لشيوخ فستان
و طلع لزييز عليها ما ششاء الله ^_^
و بعدين رحنا ع جرير و كل واحد شال اللي يبغاه
طبعا دا كلو علشان اخويا معانا مو بابا XD
واخذت ليّ دفتر كشكول :p
ع اساس انيّ مَ حشتري دي السنة من عندهم
بس دفاترهم ما اقدر اقاومها احسس ابا اشتريهم كللهم <3<3
بجد كلللهاا تجنننن أحبببها <3
و دآ دفتريّ الجميييل :"")

~ تـوميّ ~ - صفحة 7 375136137

|~

يوم الجمعة يوم سوااقتيّ :p
رحنا ع خليج سلمان لان بابتي عجبوا المكان و كدآ ^^"
و كان آخر يوم ليا اصوموا فأول ما فطرت و عييدت :""")
قلت للسيد أخي الفاضل يعلمني السواقة
و طبعا ف البداية رفض و جلس يلعب عليا
و بعديين وااافق ^____^
و طلعنا سيارة بابتنا و جلس محمد > أخويا :$
يورينيّ و يشرح ليـآ العفش كأني كل يوم حسوق هع
المهم و بعدين قال يلا ابدأي بس بشويش !
و الا انا متنحة و متلصقة ع الباب اقولوا خلاااص هونت ما ابا اسوق :"(
وهوا طبعا يضحك و يقول ليه ما تشوفين الطريق ! > لاني قصيرة طبعا هع
و انا اقولو لا بس خاايفة يقول لا عاادي ما يخوف ..

|~

و الا و اطالع ادور اهلي الاقييهم كللهم هربوا كانوا جالسين قدام السيارة هع
امي راحت نهاية الشارع و بابتي جلس يهزأنا يقول بلا لعب
و بشوري طارت مع مامتي و شيوخ ركنت ع جنب XD
عاد انا جلسست افطس ضحك كلهم هجووو هع
و بعدين عيوش دخلت و صورتني فيديو بجوالها :$
وقدمت السياارة بس شويا و ع طول جلست اصرخ اقول كيف توقف دي !
و الحممدلله وقفتها =)
كانت تجربة جميييلة و ممتعة بس تخووف
أول مرة بحياتيّ و أعتقد انها آخر مرررة :p
و الحممدلله ان الحريم ما يسوقوا ()

|~

اليومْ :"")
فتحت الششنطططة و عااد انتو احسبوها
من الفجر الييييييييييييييييين الساعة 10 ونص ليلا ^^"
الله يهديييني انا جدا بطيييئة و ادقق ع اشياء تضيع وقتيّ :/
بس يلا أهم ششي كللو مررتب و كلو جاهز الحممدلله :"")
تصدقوا قبل كم يوم شفت صورة فواصل بالنت مررة طعمووونة
و طبعا حطييتها براسي وقلت لازم اعملها ^^
و اليوم عملتها لمطوية الكييميا طللعت جميييييييلة لسا دوبنيّ خلصتها
و اللي تبغا زييها لا يردها الا كيبوردها :p
لا بجد علششانكم تتابعوني و معطيني وجه بزيادة
حعلمكم هيا كمكافأة و اش تبغوا احسن من هدايا زي كدآ
ترآ بسس عند تووميّ تلاقوا دي العروض :p

شوفوها ^_^

~ تـوميّ ~ - صفحة 7 396653826

. .

|~

يلا يَ أموراتْ ..
مامتيّ بدأت تزعل منيّ =/
لاني قبل ساعة وعدتها انيّ انام و جلست معاكم :$
وش أسسسوي وحششتووني :"( <3
تصبحوآ ع اشياء جمييلة ^_^
أسستودعكم الله <3

موضوع: رد: ~ تـوميّ ~ 25/9/2011, 8:13 am

عدت و العود أحمد ..~

بعد انقطآع عن مذكرآتك تومي

السموحه الأيآم اللي فآتت مآ مدآني ادخل

قرأت كم حآجه جديده وحرجع اقرأ اللي فآتني

تسلم يدكـ والله على الإبدآعآت ، ربي يووووووفقكـ

الأحيآء حق سنة ثآني كآن كثيييير مره اتذكر

شدي حيلك فيه وحآولي تذآكريه أول بأول ولآ بعدين حتتعبي

خآصة إنه حفظ بآقي الموآد حلوووهـ خآصة الريآضيآت و الكيميآء

يآ حظكم أبله غآليه تدرسكم تفسير ، في المتوسط كنت اعشق التفسير

مآ شآء الله عليكِ ربي يحفظك تومي ويخلي لك أهلكـ Smile

موضوع: رد: ~ تـوميّ ~ 25/9/2011, 9:24 am

ههههههه تومي صفو صحيت عقبآل البآقي

يآ قلبو أنتي

والله حتى انا كنت أقول الحين البنات بالمدرسه
ومدري ايش .. حتى السواق دق سأل مامي راح اروح ولا..

حمآآآآآآآآآآآس اخذتوآ الكتب << من ورآي Sad

الله يسترررررررر اما 12 باب << مصدوممه

هههههههههههه أجل كل هذي الكتب .. شنطتي رآحت فيهآ

دوووووووم يآرب الفرحـهـ يآ عسسل

الله يخلي لك أهلك كلهم Smile

يلآ أشوفك بالمدرسه ان شاء الله .. بآآي

موضوع: رد: ~ تـوميّ ~ 26/9/2011, 8:11 pm

صفو يَ جماااالكْ :$
حقيقةً لقدومك وقعُ خاااص <3
و انتيّ تنورينيّ بأي وقت و الله :")
عاذرتكِ يَ حللوة اهم ششيّ اهتميّ بدراستكِ
علشان ترجعيّ لنـآ بدررري ^_*
الله يسسلمكِ و هذا بعض مما تملكون :$ :p
آمييين يااارب و يوفقكِ يااااارب () <3
ايييوة إن ششاء الله ححاول نهاية كل اسبوع احفظ كم درس ^^"
آمييين :$
و يحفظكِ وَ يسسعدكِ يااااربْ <3

~

نجو يَ أختيّ الجميلة <3
هههههههههه ان ششاء الله يصحوا :p
بالنسسبة للشنطة فـ الحل الوحييد اللي فكرت فيه
و إن ششاء الله قريباً حنفذوا :")
انيّ حشتري ليـآ دولاب صغيروووني و لا علبة
اهم ششي انو يتقفل بالمفتاح و ححطوا بالفصل
و ححط كتبيّ اللي مافيها واجبات و اريح نفسي ^_^
بجد شيّ ما يستحمل ! :/
و إن ششاء الله قريباً حشتري صندوقي اللي حبيتوا قبل ما شفتو :p
و ايياكِ يآآآآرب :$
آمييييين يااااربْ و يخليّ لكِ أهلك و كل من تحبيّ يااارب () <3
شفتك اليوم :p
ان ششاء الله موعدنا بكرة بالمصلى :"")

~

يَ مسسساء الاشياء الجميلة <3
كييفكمْ يَ رفيقاتْ ! ^^
الحمممدلله انا كويسـآ و حاسة بفرحة مدري ليه ياااارب لك الحمممد :""")
اليوم كان شيي جمييييييييييل ^___^
تدروا اليوم كان اليوم الوطني بمدرستنا : )
الحممدلله كان مررررة حللو بجد انبسسطت من قلللبي الحممدلله ^^

. .

تخيلوا اش صاارلي الييوم بالصباح !
ابلة زهرة يوم الثلاثاء اعتقد اعطتنيّ بلالييين و قالت ليّ ازين باب المدرسة
المهم اليوم ف الصباح ع اساس اروح بدري المدرسة علشان ازين الباب
و صحيت اليوم متأخرة شويا و يادوب اخلي بشوري تستوعب اني ابا اروح بدري
نزلنا السيارة و جلسنا ربع ساعة تقريبا اخويا يحاول يحرك السيارة
الله يهدييهم جيراننا قفلوا ع سيارتنا من ورا و قدام :/
عاد انا هنا كنت مررة متوترة لاني ما احب اوعد احد بشي
و يثق فيـآ و ف النهاية ما اعملوآ مزبوط :"(
بجد كنت شايلة هم كيف الصقها و مين حيساعدني
لانو لسا امس اكتشفت اني صرت اخاف من البلالييين هع

. .

و انا ف السيارة جلسست ابكي هوا يعني ما بكيت بس دمعت :$
و بششوري جلسست تحشش فيينيّ فسكت :"( ^^"
تخيلوا وصلت المدرسة 7 الا خمس تقريبا و بسسرعا
رحت و كلمت البنات حتى مدري مين بالزبط و اقولهم ممكن تساعدوني !
و النااس متنننحة بس الحممدلله جات روان و انوار اخوات صحباتي و ساعدوني
و بنتيين من 2 وحدة اسمها الاء و الثانية ما اعرفها ^^"
بجد ربيّ يسسسعدهم و يفرج همهم ياااااااااااربْ ()"
لو تدروا قد كيف كنت مررة محتاجة احد ..
الحمممدلله انهم ساعدوني و ان ششاء الله بكرآ حعطيهم شي بسيط
علشان ما اعرف كيف اششكرهم :$ <3<3

. .

و حفل اليوم ششي يجنن طبعا صفقت و صرخت
و استهبلت لما شبعت ^__^
احلى ششي كان ف اليوم انو بعد ما خلصنا حفلتنا
كانت الساحة ششي مرررة لااااااااا و بقوة كمان ><
مررة شي يبكي صراحة !
فرحت ركنت المويات ع جنب و بعدين لقيت انهار و بيان
و سارة و فاطمة و بنتين جميلاات ما اعرفهم ^^"
جابو مكانس و جلسوا ينظفوا فرحت معاهم و جلسنا ننظف الساحة
بجد شعوور جمييييييل جدا و الله مرة كنت حاسة بسعادة :"")
و احلى ششي انو نحنا عملنا دا شي لوحدنا ^__^
و اكثثر شي فرحني لما يجو البنات و يدعوا لك و انتي تشتغليّ <3
الله يسسسعدهم ياااربْ :$
و الحمممدلله نظفنا الساحة كلللها و بعدين استهبلنا قال قال نهاية
العمل رحنا نتصوور هوا ماكو كام بس كدآ :p
ربي يسسسعدهم <3 :$

. .

الحممدلله كان يووم جمييل جدا :"")
يارب لك الحمممد ^_^

يلا يَ عسسولاات ..
أششوفكم ع خيير إن ششاء الله =)
أسستودعكم الله <3
أحببببببببكم :$

موضوع: رد: ~ تـوميّ ~ 27/9/2011, 8:54 pm

السلاااام عليييكم :")
أهلن بـ الآنسـآت ^_^
كييفكمْ ! و كيف كان يومكم ^^
انا الحمممدلله كويسـآ بس مصدعة شويـآ :$
و يوميّ حللو و مررة كان زحمممة ..
اليوم صار ششي بالفجر فظييييييييييييع
جد جد فااااااتكم تمنييت انيّ ادونوا بعد الحادثة ع طول
بس ما قدرت ع طول رحت المدرسة :/
يلا دحيين اقولكم هوا : )

. .

اليوم و كـ العادة صحيت الفجر و لقيت مفاجعة ف بيتنا !
تخيلوا جا رجال و قال انو يبغا بابتي او اخويا يبعدوا سيارتنا
راح اخويا نزل معاه و كدآ و بعديين مررة تأخر أخويا حوالي ساعة
و طبعاً أمي مررة تحبببنا و تخاف عليينا جدا جدا فراحت خافت ع اخويا
و صارت تتصل ع جوالوا و ما يرد و اكتشفنا انو جوالوا بالبيت :/
و من كثر الخوف صارت تسأل عيوش من الرجال اللي جا لانها هيا فتحت الباب
و عيوش من ذكاءها قالت انو مو من عمارتنا ><
و مامتي هنا صار عندها ششك و احسساس مو حللو
قال اييه انو اخويا صاار لو ششي و تحللف و تقول و الله انا حاسة :""(

. .

و بابا ف دي المواقف يصير مو بااارد و لا باااارد ال ال ال بااااااااااااااارد هع
المهم و مامتي جلست تقول لبابا انزل دور عليه ف الحارة ! Oo
عاد ابويا هنا عصب و قال انو اخويا كبييير مين اللي بيخطفوا ! XD
و امي طببعا عملت فيييلم و اخرجتو و مثلتو و كل ششي هع
و عيوش و شيوخ يهدوا ف ماما و انا من كثر ما خوفتني ماما بأفكارها السيئة
قفلت الغرفة ع نفسسي و جلسست اببكي :"( هع
و بعدين مامتي نزلت الشارع تدور عليه و طبعا مو موجود
و ف النهاية رجع ولدنا بالسلامة ^^ عاد انا اول ما شفت خششتو
عصبببت فوقو لييه يتأخر و مَ يتكلم ! ><
و طلع انو راح مع جيراننا المقبرة لان جدتهم ماتت !
و توتا توتا و خلصت الحتوتة :p
بس بجد كان فييلم دراامي جميييل من سيناريو ماما XD
مسكييينة مامتنا خوفت نفسها و خوفتنا من صباحية ربنا :/

. .

اووه صح تصدقوا امس كلهم راحوا مكة و ما رضيوا اروح معاهم :"(
رغم اني خلصت ششغلي بدري و كدا
بس علشان بشوري لوحدها ف البيت
و بابتي كان برا فجلسوني عندها و امي قالت ما ينفع
لانك حتتعبي و وراكي دوام ><
بججد انقققهرت قالوا كان الحرم فاااااضي و قبلوا الحجر الاسود :""(
من زماااااااان ما قبلتو =( بس وعدوني حيودوني قرريب إن ششاء الله ^^"

. .

اما بالنسسبة لدواميّ اليوم ، كان كللو كرررف ^^"
و عندي اشياااء كثييييييرة لازم تتنفذ :")
ياااارب بارك ليّ ف وقتي ()

يلا يَ عسولات
أششوفكم ع خير
أستودعكم الله <3

موضوع: رد: ~ تـوميّ ~ 29/9/2011, 2:42 pm

يَ أهلللن :")
صباح الناس النشيطة و المصحصحة =)
صباح الروقان رغم الاشغال الكثيرة ^^"
صباحكم توميّ تحببكم :$

كيفكمْ ! و كيف كان ربوعكم : )
انا الحمممدلله كويسسـآ و حاسة برااحة يارب لك الحممد <3
امس صارت اشياءات كثيرة بس مو مرة :p

|~

يوميّ ف المدرسة كاان جميييل :"")
خلصنا الفصل الاول بالاحياء و الاحد إن ششاء الله
حيكون اول اختبار احيائي و اول اختبار في ثاني ^_^
ياارب يسر ()
و بالنسبة للكيميا الحمممدلله رجع حللو زي ما حبييتو <3
كان الدرس مو بس حللو اكثثر من الحلو و مررة ممتع :"")
و سسهل و كدآ احسس بحماس و انا احل مو زي الدرسين اللي قبلو
كانوا بس كلااام ما حبيتهم مررة ، رغم اني فاهمتهم الحمممدلله
بس احس لما يجيني سؤال اتنح اول و بعديين استوعب و احلو هع
و العربيّ اخذنا نص درس لانو البنات قالوا حنلخبط راحت ابلة زهرة
قالت النص الثاني السبت إن ششاء الله ^^

|~

و المهارات ما اخذنا شي بس صححنا الكتب : )
و الماث راحت حصتو :"(
كنت متحممسة للحصة علشان ابا اعرف اذا حلي للواجب
صح و لا لا لانو اخذنا ثلاثاء نبذة بسيطة للقاعدة و ما طبقنا شي
و اعطتنا ابلة فوزية واجب و طببعا جلست افكر و افكر لييين حلييتوا ^__^
بس لسسا ما اعرف اذا حلي صح او لا ، و إن ششاء الله يطلع صح :")
و ف حصتو طعمونا علشان الحصبة ^^"
اما حصصة التفسسير ششي مو طبييعيّ <3
يقلبوها البنات حصة فتاوى XD
أيّ سؤال ف حياتهم ما يعرفوا جوابو يسألو ابلة غالية
تقريبا كل الاسئلة مررررة بعييييييدة عن الدرس :p
بجد امس كنت متحسفة ع الحصة احس حتخلص و نحنا ما اخذنا الدرس
ربي يسسعدها ابلة غالية ما تهزأ و البنات ماخذيين راحتهم و بقوة :$
من كثر ما كنت خايفة ع الحصة قلت لابلة غالية اذا خرجنا عن الدرس
حقولك طووط علششان نرجع بسرعا :p
جلسست تضضحك و قالت طيب ، و الحممدلله اخذنا الدرس بأعجوبة ^^"
و حصة الانقلش كملنا القاعدة و بس : )

|~

فااتكم امس اكلت مقلب جاامد من السيد اخي الفاضل ><
و نحنا ف الطريق راجعين ع البيت انا و بشوري جلس يقول
فااااتكم اليوم رحنا كافيه الصباح و بعدين رحنا ابحر تمنينناكم معانا !
ع اساس هوا و شيوخ و عيوش خرجوا علينا =@
طبعا انا سكت و ما قلت شي بس اول ما طلعت البيت هزأت اخواتيّ :$
ليه تروحوا من غيرننا يعني نغييب علشان نخرج معاكم :"(
مسساكيين هما جلسوا يحلفوا و الله يكذب علييكم
ما رحنا غير المستشفى ! " عيوش عندها حساسية بيدها و شيوخ ف وجهها "
طبعا ما صدقتهم اليين وروني كيس المستشفى و ادويتهم هع
و ع طوول اتصلت ع اخويا اقولوا بالله وش تحس و انت تضحك علينا !
جلسس يضحك و يقول كدآ احس اني نفسي اطفشكم
و ابا اعلمكم حركة علشان آخر يوم ارجعكم من المدرسة :p
و طبعا انا اكلت المقلب صصح ><
بس حرركة رهييبة انو عمل اكشن ف يومي هع

|~

و أكثر جزئيية من يوميّ لازم تتوثق حكاية الزعل اللي ما كان لو داعي !
تخيلوا امس من بعد المغرب فتحت شنطتي و بدأت ارتب عفشي و كدآ
و كنت قمممممة ف الروقاان و السعادة و كل ششي جمييل ^__^
ع الساعة 10 الله يسسعدهم عيوش و بنات خالاتيّ <3 :$
جلسسوا يتريقوا عليا بالتويتر علشان كتبت شي
اساسا هما فاهمين شي ثااااني :"(
قطعووني حش ، المشكلة ف تفكيرهم صراااحتن ><
المهم انيّ تنرفزت جداا جداا و مرة زعلت منهم
المششكلة انهم كلهم اكبر منيّ ×|
و طبعا لما مرة زعلت منهم جلسوا يعتذروا و كدآ
و بعدين انا مررة احببهم ع طوول سامحتهم <3<3
بعد دي السالفة مزاجيّ خرب مررة لدرجة انيّ قفلت كل ششي و نمتْ !

|~

واااااااه صصح يفوووتكمْ بشووريّ صاارت تتكلم معانا مصريّ Oo
شويا تتكلم عادي و شويا التانية مصري ><
جد شي ينرفز مرة زودتها تقولي فاتحين مسلسل مصري :p
الله يهديييهم دا كلو علششان بنات فصلها اغلبهم مصريات
و لما نقولها تكلمي كويس تقول اش اسوي صرت زييهم هع
بس امي جابت حل جميل قالت شكلي ف النهاية
بروح مدرستها و بقولهم ينقلوها من فصلها XD
* توضيح : ترا و الله احب أهل مصصر كللهم <3<3
و أعز صحباتيّ مصرية <3
بس مو قصديّ غير انو بشوري جايبة اللهجة غلط :$
يعني ف كلام ما تعرف تقولو بلهجتهم و يطلع ينرفز منها ><

|~

يلا يَ جميلااتْ ..
حروح اكمل اشغاليّ ^^
يارب يبارك ليّ ف وقتيّ ()
أستودعكمْ الله <3

موضوع: رد: ~ تـوميّ ~ 30/9/2011, 12:28 pm

ايه والله اليوم الوطني كان حمااااااااااااس Smile

انا هلآ بدي روح بس برجع بعدين أكلم تيب ^_*

عن اذنك يا قمر

موضوع: رد: ~ تـوميّ ~ 30/9/2011, 2:01 pm

نجو ..
اوكيّ وقت ما تطفشي تعالي ^^

|

تخيلوا انا من العام يجيني صداع فظيييع بس مو دايما
يعني ناادرا !
بس دي السنة كل شوية اصدع تقريبا كل يوم : (
صرت ابسط شي يضايقني او يزعلني و لما اشيل هم شي
ع طوول اصصصدع !
يااااااارب و الله ما صرت اقدر استحمل الصداع :"(
المششكلة اني ما احب اقول لـ اهلي لما اتعب
علشان مااحب اخوف مامتي :$ <3
و يوم الاربعاء خاصمتني علشان اخبي عليها و زعلت مني :/
و امس اول ما جاني الصداع ع الساعة 11 الليل قلتلها راحت عصبت
قالت دا كلو علشان صاحية من الفجر !
و مدري ليه ما راح رغم اني نمت بالليل مزبووط :"(
يااااارب رحمتك ()

[ مجرد فضقضة لا اقل ]

موضوع: رد: ~ تـوميّ ~ 4/10/2011, 8:46 pm

بسم الله عليكي ..

يمكن ارهاق ع قول مامتك من كثر الاشياء اللي تعمليها "مآ شآء الله " وما ترتاحي كثير

ما تشوفي شر يا قمر..